Հենրիխ Մխիթարյան. Պրեմյեր լիգայում մանկությանս կուռքը Թիերի Անրին էր
12:40 13 դեկտեմբերի, 2016«Մանչեսթեր Յունայթեդի» ու Հայաստանի հավաքականի կիսապաշտպան Հենրիխ Մխիթարյանը պատասխանել է ակումբի մամուլի ծառայության հարցերին` խոսելով անգլիական ֆուտբոլին հարմարվելու եւ Պրեմյեր լիգայում իր մանկության կուռքի մասին:
Ո՞վ էր ձեր մանկության կուռքը Պրեմյեր լիգայում:
Ինձ միշտ դուր է եկել Թիերի Անրին, որը հանդես էր գալիս «Արսենալում»: Նա իմ սիրած ֆուտբոլիստներից էր, քանի որ այդ ժամանակ ես հանդես էի գալիս հարձակման գծում, բայց հետո դարձա կիսապաշտպան:
Ի՞նչ նշանակություն ունի քեզ համար «Մանչեսթեր Յունայթեդում» խաղալը:
Միշտ հաճելի է հանդես գալ «Մանչեսթեր Յունայթեդի» կազմում, քանի որ դա պարզապես երազանք է: Միշտ ուրախ եմ խաղալ այս ակումբում եւ անել առավելագույնը:
Ինչպե՞ս է ընթանում անգլիական ֆուտբոլին հարմարվելու գործընթացը:
Անգլիական ֆուտբոլը, իրապես, տարբերվում է մյուս երկրների ֆուտբոլից: Եթե դու խաղում ես Գերմանիայում, Ֆրանսիայում, Անգլիայում կամ Իսպանիայում, դու պետք է հարմարվես այդ լիգային: Սկզբում մի քիչ բարդ էր, բայց ես շարունակում էի անել ամեն ինչ Պրեմյեր լիգայի ֆուտբոլիստ դառնալու համար: Ես ջանասիրաբար մարզվել եմ եւ փորձել եմ կատարել այն ամենը, ինչ մարզիչն ասել է ինձ. խաղալ այս թիմի համար եւ լինել օգտակար:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.