Հենրիխ Մխիթարյանը հյուրանոցից հեռացել է Lamborghini Aventador-ով (ֆոտո)
21:50 12 դեկտեմբերի, 2016Բրիտանական մամուլը շարունակում է մեծ ուշադրություն ցուցաբերել «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանին, որը վերջին շրջանում տպավորիչ խաղ է ցուցադում անգլիական ակումբի կազմում:
Լոնդոնի «Տոտենհեմի» դեմ Անգլիայի առաջնության 15-րդ տուրի խաղի հաջորդ օրը Մխիթարյանը Մանչեսթերի Lowry հյուրանոցից հեռացել է Lamborghini Aventador մեքենայով, որի արժեքը 250 հազար եվրո է, գրում է Daily Mail-ը:
Բրիտանական մամուլն այդ փաստի բացատրել է նրանով, որ հայ կիսապաշտպանի ստացած վնասվածքը լուրջ չէ: Ավելի վաղ նշվում էր, որ Մխիթարյանը չի խաղալու մեկ շաբաթ:
Հիշեցնենք, որ «Տոտենհեմի» դեմ խաղում Մխիթարյանը մեկնարկային կազմում էր եւ ոտնաթաթի վնասվածքի պատճառով փոխարինվեց 85-րդ րոպեին: «Մանչեսթեր Յունայթեդի» պաշտոնական թվիթերյան էջում անցկացված քվեարկության արդյունքում նա ճանաչվել էր հանդիպման լավագույն ֆուտբոլիստ՝ ստանալով ձայների 87 տոկոսը: Խաղի 29-րդ րոպեին Հենրիխն առաջին գոլն է խփել Անգլիայի Պրեմյեր լիգայում եւ Մանչեսթեր «Օլդ Տրաֆորդ» ստադիոնում՝ հաղթանակ բերելով «Մանչեսթեր Յունայթեդին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։