Հենրիխ Մխիթարյան. Առաջին գոլս «Օլդ Տրաֆորդում»՝ ակումբի բոլոր երկրպագուներին
00:09 12 դեկտեմբերի, 2016«Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը թվիթերյան գրառումով շնորհակալություն է հայտնել աջակցության հաղորդագրությունների համար եւ առաջին գոլը Մանչեսթերի «Օլդ Տրաֆորդ» ստադիոնում նվիրել ակումբի բոլոր երկրպագուներին.
«Անհավանական թիմային հաղթանակ: Իմ առաջին գոլը «Օլդ Տրաֆորդում»՝ բոլոր երկրպագուներին ամբողջ աշխարհից: Շնորհակալություն ձեր սիրո համար»,- գրել է Մխիթարյանը:
Հիշեցնենք, որ Անգլիայի առաջնության 15-րդ տուրում «Մանչեսթեր Յունայթեդը» 1:0 հաշվով հաղթեց «Տոտենհեմին» Հենրիխ Մխիթարյանի միակ գոլի շնորհիվ:
Երկրորդ խաղակեսի վերջնամասում Հենրիխ Մխիթարյանը ոտնաթաթի վնասվածք ստացավ եւ դուրս բերվեց խաղադաշտից պատգարակով:
«Մանչեսթեր Յունայթեդը» 24 միավորով մնաց 6-րդ տեղում: 5-րդ տեղում ընթացող «Տոտենհեմն» ունի 27 միավոր:
«Մանչեսթեր Յունայթեդի» պաշտոնական թվիթերյան էջում անցկացված քվեարկությամբ հայ ֆուտբոլիստը ստացել է ձայների 87 տոկոսը՝ ճանաչվելով հանդիպման լավագույն խաղացող:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.