Ֆուտբոլի Եվրոպայի մինչեւ 19 տարեկանների առաջնության եզրափակիչ մրցաշարը 2019 թվականին կանցկացվի Հայաստանում: Որոշումն ընդունվել է ՈւԵՖԱ-ի գործկոմի նիստում:
Հայաստանն առաջին անգամ կհյուրընկալի ՈւԵՖԱ-ի հովանու ներքո անցկացվող եզրափակիչ փուլի մրցաշար, որի անցկացման ստույգ ժամկետները եւ մարզադաշտերը կհաստատվեն ավելի ուշ:
Հիշեցնենք, որ այս տարվա նոյեմբերի 10-ից 15-ը Երեւանում անցկացվեց Եվրոպայի մինչեւ 19 տարեկանների 2016/2017թթ. առաջնության որակավորման փուլի 7-րդ խմբի մրցաշարը: Հայաստանի մրցակիցներն էին Իտալիայի, Շվեյցարիայի ու Հունգարիայի հավաքականները: Եզրափակիչ մրցաշարը հաջորդ տարի ընդունելու է Վրաստանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։