Ժոզե Մոուրինյոն գովել է Հենրիխ Մխիթարյանին
01:10 9 դեկտեմբերի, 2016Եվրոպայի լիգայի խմբային մրցաշարի վերջին տուրում ուկրաինական «Զարյայի» նկատմամբ 2:0 հաշվով տարած հաղթանակից հետո «Մանչեսթեր Յունայթեդի» գլխավոր մարզիչ Ժոզե Մոուրինյոն գովել է Հայաստանի հավաքականի կիսապաշտպան Հենրիխ Մխիթարյանին, որը խփել է անգլիական թիմի առաջին գոլը:
«Մխիթարյանն ապացուցեց, որ նա ունի ուժեղ մենթալիտետ: Նա ստիպված էր պայքարել մեկնարկային կազմում տեղ ունենալու համար բարդ հարմարման պատճառով: Հենրիխը շատ է աշխատել ֆիզիկական եւ տակտիկական որակների վրա: Մենք նրան գնելուց գիտեինք, որ նա տաղանդավոր խաղացող է: Այժմ Մխիթարյանը լավ է խաղում բոլոր մրցաշարերում՝ Պրեմյեր լիգա, Եվրոպայի լիգա, Անգլիական լիգայի գավաթի խաղարկություն: Գոլը նրան դրական հույզեր կհաղորդի: Ես շատ ուրախ եմ»,- պորտուգալացի մասնագետի խոսքը մեջբերում է «Մանչեսթեր Յունայթեդի» պաշտոնական կայքը:
Հիշեցնենք, որ Մխիթարյանը մեկնարկային կազմում էր եւ փոխարինվեց 85-րդ րոպեին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։