Իսպանիայի չեմպիոն «Բարսելոնան» կերկարաձգի պայմանագիրը ուրուգվայցի հարձակվող Լուիս Սուարեսի հետ, հայտնել է կատալոնական ակումբի նախագահ Խոսեպ Բարտոմեուն:
«Մենք ցանկանում ենք Սուարեսի հետ կնքել ինչքան հնարավոր է երկարաժամկետ պայմանագիր, բայց առայժմ այն նախատեսված կլինի մինչեւ 2022 թվականը: Մնում է համաձայնության հասնել որոշ մանրուքների շուրջ: Դրանից հետո կանենք պաշտոնական հայտարարություն»,- Բարտոմեուի խոսքը մեջբերում է mundodeportivo-ն:
Լուիս Սուարեսը «Բարսելոնա» է տեղափոխվել 2014 թվականին «Լիվերպուլից»: Նրա գործող պայմանագիրը նախատեսված է մինչեւ 2019 թվականը: 29-ամյա ֆուտբոլիստն ընթացիկ մրցաշրջանում անցկացրած 19 խաղում խփել է 12 գոլ, կատարել է 7 գոլային փոխանցում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։