Հենրիխ Մխիթարյան. Մենք չենք խաղա ոչ ոքի արդյունքի համար
21:04 8 դեկտեմբերի, 2016«Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը ուկրաինական «Զարյայի» դեմ Եվրոպայի լիգայի խմբային մրցաշարի վերջին տուրի հանդիպումից առաջ ասել է, որ պորտուգալացի Ժոզե Մոուրինյոյի գլխավորած թիմը Օդեսայում չի բավարարվի մեկ միավորով: Հանդիպումը դեկտեմբերի 8-ին է եւ կմեկնարկի Երեւանի ժամանակով 22:00-ին: Փլեյ-օֆֆի ուղեգիրն ապահովելու համար անգլիական թիմին կբավարարի նաեւ ոչ ոքին:
«Մենք չենք խաղա ոչ ոքի արդյունքի համար: Կձգտենք հաղթել եւ լավագույն վիճակում պատրաստ լինել «Տոտենհեմի» դեմ հաջորդ հանդիպմանը»,- Հենրիխ Մխիթարյանի խոսքը մեջբերում է «Մանչեսթեր Յունայթեդի» պաշտոնական կայքը:
Անգլիայի առաջնության 15-րդ տուրի «Մանչեսթեր Յունայթեդ» - «Տոտենհեմ» հանդիպումը տեղի կունենա դեկտեմբերի 11-ին եւ կմեկնարկի Երեւանի ժամանակով 18:15-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։