«Ուրարտուի» ավագ. Շատ ցավալի է, որ դուրս ենք գալիս Ռուսաստանի Սուպերլիգայից

15:41   6 դեկտեմբերի, 2016

Ամեն ինչ արեցինք, որ հաղթանակներ ունենանք, բայց չստացվեց: Այս մասին լրագրողների հետ զրույցում ասաց Երեւանի «Ուրարտու» բասկետբոլային թիմի ավագ Ամիրան Ամիրխանովը՝ մենկաբանելով Ռուսաստանի Սուպերլիգա-1-ից դուրս գալու մասին ակումբի որոշումը:

«Ինձ համար շատ ցավալի է, որ մենք դուրս ենք գալիս Ռուսաստանի լիգայից: Մենք ունեինք մեծ հույսեր, որ լավ արդյունքներ կունենանք եւ կզարգացնենք հայկական բասկետբոլը: Մեզ համար ամեն ինչ արվեց ակումբի ղեկավարության կողմից, որ մենք լինենք բարձունքում, ունենանք հաղթանակներ, բայց կրում էինք միայն պարտություններ:

Կարծում եմ՝ այսքանով չի ավարտվի «Ուրարտու» ակումբի կյանքն ու գործունեությունը: Աշխատավարձերն այդքան խնդիր չեն, մենք չունենք ֆինանսի խնդիր, աստիճանաբար տրվում են մեր աշխատավարձերը: Կփորձեմ այլ ակումբներում խաղալ, որպեսզի պահպանեմ մարզավիճակս»,- ասաց Ամիրան Ամիրխանով:

Հիշեցնենք, որ Սուպերլիգայում «Ուրարտուն» կրել է 9 պարտություն՝ չունենալով ոչ մի հաղթանակ: Ակումբի նախագահ Արա Պողոսյանը հայտարել է, որ թիմը հոգեբանորեն կոտրված է եւ Սուպերլիգայում հաղթանակ չի ունենալու: 

Լուսինե Շահբազյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։