Ռոբերտ Լեւանդովսկին կերկարաձգի պայմանագիրը «Բավարիայի» հետ
18:16 5 դեկտեմբերի, 2016Գերմանական «Բավարիայի» եւ Լեհաստանի հավաքականի հարձակվող Ռոբերտ Լեւանդովսկին կերկարաձգի պայմանագիրը մյունխենյան ակումբի հետ մինչեւ 2021 թվականը: Այդ մասին հայտնել է 28-ամյա ֆուտբոլիստի գործակալ Մարկ Բարտելը: Լուրը հաստատել է նաեւ «Բավարիայի» ղեկավար Կարլ-Հայնց Ռումենիգեն:
«Մենք պատրաստ ենք երկարաձգել Լեւանդովսկու պայմանագիրը եւ մտադիր չենք նրան վաճառել: Պատրաստ ենք նաեւ վերանայել նրա աշխատավարձը՝ շուկայական պայմանները հաշվի առնելով: Այո, մենք չենք կարող վճարել այնքան, որքան ՊՍԺ-ն եւ «Մանչեսթեր Սիթին»: Բայց մեր ակումբում էլ աշխատավարձերը շատ բարձր մակարդակի վրա են»,- Ռումենիգեի խոսքը մեջբերում է Goal.com-ը:
Լեւանդովսկու գործող պայմանագիրը «Բավարիայի» հետ նախատեսված է մինչեւ 2019 թվականը:
Գերմանիայի ընթացիկ առաջնությունում անցկացրած 13 խաղում նա խփել է 9 գոլ, կատարել է 2 գոլային փոխանցում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։