«Մանչեսթեր Յունայթեդի» շվեդ հարձակվող Զլատան Իբրահիմովիչը մեկնաբանել է «Էվերտոնի» դեմ Անգլիայի առաջնության 14-րդ տուրի հանդիպման (1:1) այն դրվագը, որում ոտքով հարվածել էր իռլանդացի պաշտպան Շեյմուս Կոուլմանի գլխին:
«Դա կոշտ պայքար էր: Լսել եմ, որ մեկնաբաններից մեկն ասաց, թե միտումնավոր եմ հարվածել Կոուլմանի գլխին, սակայն դա պայքար էր գնդակի համար: Հավատացեք, եթե ցանկանում հարվածել ինչ-որ մեկի գլխին, ապա գիտեմ ինչպես դա անել: Եթե նման բան անեի, մրցակիցն ուշագնաց կլիներ: Դա այն է, ինչ կարող եմ ասել»,- Իբրահիմովիչի խոսքը մեջբերում է ESPN FC-ն:
Հիշեցնենք, որ այդ դրվագից հետո Շեյմուս Կոուլմանը չէր կարողացել շարունակել խաղը: Պրեմյեր լիգայի կարգապահական կոմիտեն քննարկում է Իբրահիմովիչին որակազրկելու տարբերակը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։