Մադրիդի «Ռեալի» իսպանացի պաշտպան Դանիել Կարվախալը ներողություն է խնդրել «Բարսելոնայի» դեմ Պրիմերայի 14-րդ տուրի խաղում կատալոնական ակումբի երկրպագուներին վիրավորական ժեստ ցուցադրելու համար: Կատալոնիայում կայացած խաղի 90-րդ րոպեին «Ռեալի» պաշտպան Սերխիո Ռամոսի խփած գոլը տոնելիս Կարվախալը միջնամատ էր ցուցադրել «Բարսելոնայի» երկրպագուներին:
«Կցանկանայի ներողություն խնդրել այդ ժեստի համար: Այն ցույց էի տվել հայհոյանքներին պատասխանելու համար: Ես պետք է այդպես չվարվեի»,- թվիթերյան էջում գրել է Կարվախալը:
Հիշեցնենք, որ Սուպերկլասիկոն ավարտվել էր 1:1 հաշվով եւ Արքայական ակումբը պահպանել էր երկրորդ տեղում գտնվող «Բարսելոնայի» նկատմամբ 6 միավորի առավելությունը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։