Ժոզե Մոուրինյո. Մխիթարյանը եւ Մարտիալն ավելի արագ են գրոհում
10:12 5 դեկտեմբերի, 2016«Մանչեսթեր Յունայթեդի» գլխավոր մարզիչ Ժոզե Մոուրինյոն պատմել է, թե ինչու է «Էվերտոնի» դեմ Պրեմյեր լիգայի 14-րդ տուրի խաղում մեկնարկային կազմում ընդգրկել Հայաստանի հավաքականի ավագ Հենրիխ Մխիթարյանին եւ ֆրանսիացի կիսապաշտպան Անտոնի Մարտիալին:
«Մխիթարյանը եւ Մարտիալն ավելի արագ են գործում գնդակը հարձակման գիծ տեղափոխելիս: Այդ դիրքում բոլորն էլ լավ են խաղում, այդ թվում՝ Մատան, Մարտիալը»,- մարզիչի խոսքը մեջբերում է express.co.uk-ը:
Հիշեցնենք, որ Լիվերպուլում կայացած խաղում Հայաստանի հավաքականի կիսապաշտպանը մեկնարկային կազմում հանդես էր եկել 85 րոպե: Մխիթարյանին փոխարինած բելգիացի կիսապաշտպան Մարուան Ֆելաինին քիչ անց սեփական տուգանայինում խախտել էր կանոնները, իսկ «Էվերտոնը» 89-րդ րոպեին 11 մետրանոցից խփել էր պատասխան գոլը եւ փրկվել պարտությունից՝ 1:1: «Մանչեսթեր Յունայթեդը» 21 միավորով 6-րդն է Պրեմյեր լիգայում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։