Զլատան Իբրահիմովիչ. Կնախընտրեի գոլ չխփել, բայց հաղթել
23:34 4 դեկտեմբերի, 2016«Մանչեսթեր Յունայթեդի» շվեդ հարձակվող Զլատան Իբրահիմովիչը հիասթափված է «Էվերտոնի» դեմ Անգլիայի առաջնության 14-րդ տուրի հանդիպման արդյունքից:
«Մենք մեզ ավելի վստահ կզգայինք, եթե «Մանչեսթեր Յունայթեդը» մրցաշարային աղյուսակում լիներ ավելի բարձր տեղում: Ես այսօր գոլ խփեցի, բայց դա մեզ տվեց միայն 1 միավոր: Ես կնախընտրեի գոլ չխփել, բայց հաղթել: Պետք է ավելի շատ ձգտենք հաղթանակի եւ վերցնենք մեր միավորները»,- Զլատան Իբրահիմովիչի խոսքը մեջբերում է skysports-ը:
Հիշեցնենք, որ 1:1 հաշվով ավարտված խաղում Իբրահիմովիչը «էվերտոնի» դարպասը գրավել է 42-րդ րոպեին, սակայն 89-րդ րոպեին Մարուան Ֆելաինիի խախտումից հետո «Մանչեսթեր Յունայթեդի» դարպասին նշանակված 11 մետրանոցը դիպուկ իրացրեց Լեյթոն Բեյնսը: Դրանից 4 րոպե առաջ Ֆելաինին փոխարինել էր Հայաստանի հավաքականի կիսապաշտպան Հենրիխ Մխիթարյանին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։