Ֆորմուլա1-ի չեմպիոն Նիկո Ռոսբերգն ավարտեց կարիերան
18:37 2 դեկտեմբերի, 2016«Մարսեդեսի» գերմանացի մրցարշավորդ, Ֆորմուլա-1-ի նորընծա չեմպիոն Նիկո Ռոսբերգը հայտարարել է կարիերան ավարտելու մասին։ Այդ մասին նա հայտարարել է Ավստրիայի մայրաքաղաք Վիենայում տեղի ունեցած Միջազգային ավտոմոբիլային ֆեդերացիայի մրցանակաբաշխության պաշտոնական արարողության ժամանակ։
«Ես որոշել եմ ավարտել կարիերաս Ֆորմուլա-1-ում։ Նախորդ երկու տարիներին ես պարտվում էի Լյուիս Հեմիլթոնին, եւ դրանք շատ ծանր պահեր էին իմ կյանքում, բայց դրանք ավելի էին մեծացնում իմ մոտիվացիան։ Այս մրցաշրջանում ես ներդրեցի առավելագույնը։ Ես իրագործեցի իմ մանկական երազանքը եւ չեմ ցանկանում այլեւս ինձ նվիրել նույն նպատակին։ Ցանկանում եմ ավելի շատ ժամանակ անցկացնել ընտանիքիս հետ»,- Նիկո Ռոսբերգի խոսքը մեջբերում է dailymail-ը։
Ֆորմուլա-1-ի չեմպիոնը 31 տարեկան է։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։