Անաստասիա Գալուստյան. Գեղասահքը սիրելի դարձնելու համար մեզ անհրաժեշտ են այսպիսի ելույթներ (ֆոտո)
09:12 29 նոյեմբերի, 2016Գեղասահքը Հայաստանում սիրելի դարձնելու համար մեզ անհրաժեշտ են այսպիսի ելույթներ։ Այս մասին NEWS.am Sport-ի թղթակցի հետ զրույցում ասաց Հայաստանի հավաքականի 17-ամյա գեղասահորդուհի Անաստասիա Գալուստյանը, որը ցուցադրական ելույթ ունեցավ Երեւանի Կարեն Դեմիրճյանի անվան մարզահամերգային համալիրում անցկացված Եվգենի Պլյուշչենկոյի Kings on Ice Presents Fashion on Ice շոու-ծրագրում։
«Այս տարի այլեւս չունեմ միջազգային մրցաշարեր։ Տարին հարուստ էր տարբեր մրցումներով, ես առաջին անգամ մասնակցեցի Մոսկվայում անցկացված մեծահասակների «Մեծ մրցանակին» եւ գրավեցի 9-րդ տեղը։ Հաջորդ տարի մասնակցելու ենք Եվրոպայի առաջնությանը եւ ամենայն պատասխանատությամբ պետք է նախապատրաստվեմ դրան։ Այժմ մարզվում եմ Մոսկվայում, Երեւանում դեռեւս մարզումներ չենք ունենա։ Ամենայն հավանականությամբ, ամռանը հավաք կանցկացնենք Երեւանի Իրինա Ռոդնինայի անվան մարզադպրոցում»,- ասաց Անաստասիա Գալուստյանը։
Լուսինե Շահբազյան
Լուսանկարներն՝ Արսեն Սարգսյանի
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.