«Բարսելոնայի» արգենտինացի հարձակվող Լիոնել Մեսին ճանաչվել է Չեմպիոնների լիգայի խմբային մրցաշարի 5-րդ տուրի լավագույն ֆուտբոլիստ, հայտնում է ՈւԵՖԱ-ի կայքը:
Քվեարկության արդյունքում Արգենտինայի հավաքականի ավագը հավաքել է ձայների 46 տոկոսը եւ առաջ անցել Դորտմունդի «Բորուսիայի» գերմանացի կիսապաշտպան Մարկո Ռոյսից, որը ստացել է 43 տոկոս ձայն:
Շաբաթվա լավագույն ֆուտբոլիստի թեկնածուների թվում էին նաեւ՝ Խուան Կուդրադոն («Յուվենտուս», 3 տոկոս), Ռաֆայել Վարանը («Ռեալ», 3 տոկոս), Անտուան Գրիզմանը («Աթլետիկո», 2 տոկոս), Ռիհադ Մահրեզը («Լեսթեր», 2 տոկոս), Էդինսոն Կավանին (ՊՍԺ, 1 տոկոս) ու Մարեկ Համշիկը («Նապոլի», 0 տոկոս):
Հիշեցնենք, որ Մեսիի դուբլի շնորհիվ «Բարսելոնան» 2:0 հաշվով արտագնա հաղթանակ էր տարել շոտլանդական «Սելթիկի» նկատմամբ եւ ապահովել փլեյ-օֆֆի ուղեգիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։