Հոլանդական «Ֆեյենորդի» գլխավոր մարզիչ Ջովանի վան Բրոնկհորստը մեկնաբանել է «Մանչեսթեր Յունայթեդից» կրած 0:4 հաշվով պարտությունը Եվրոպայի լիգայի խմբային մրցաշարի 5-րդ տուրում:
«0:4 հաշիվը մեծ պարտություն է: Մենք «Մանչեսթեր Յունայթեդին» դիմադրություն ցույց տվեցինք 70 րոպե: Դրանից հետո թիմերի վարպետության տարբերությունն ակնհայտ էր»,- «Բարսելոնայի» նախկին ֆուտբոլիստի խոսքը մեջբերում է Daily Mail-ը:
Հիշեցնենք, որ Մանչեսթերի «Օլդ Տրաֆորդ» ստադիոնում կայացած խաղում Հայաստանի հավաքականի կիսապաշտպան Հենրիխ Մխիթարյանը մեկնարկային կազմում հանդես եկավ 82 րոպե՝ «Մանչեսթեր Յունայթեդի» թվիթերյան էջում անցկացված քվեարկության արդյունքում ճանաչվելով հանդիպման լավագույն ֆուտբոլիստ: Ժոզե Մոուրինյոյի թիմը «Ֆեյենորդի» նկատմամբ ռեւանշի հասավ առաջին շրջանում կրած պարտության համար եւ 9 միավորով բարձրացավ երկրորդ տեղ: Խմբի առաջատար «Ֆեներբահչեն» ունի 10 միավոր, «Ֆեյենորդը»՝ 7, իսկ ուկրաինական «Զարյան»՝ 2:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։