Նիզականետորդը իր օլիմպիական մեդալը գնահատում է 162 հազար դոլար
23:52 9 հուլիսի, 2012Լատվիացի նիզականետորդ Վադիմ Վասիլեւսկիսը, որը 2004թ. Աթենքի Օլիմպիական խաղերում գրավել էր 2-րդ տեղը, ինտերնետում իր արծաթե մեդալը վաճառելու մասին հայտարարություն է տեղադրել, հաղորդում է լատվիական Baltkom ռադիոընկերությունը:
Վասիլեվսկիսը իր մեդալը վաճառում է 91 հազար 365 լատով (մոտ 162 հազար դոլար):
«Այո, դա իմ հայտարարությունն է, սակայն որեւէ այլ մեկնաբանություն չի լինելու»,- ռադիոկայանին տված հարցազրույցում ասել է մարզիկը:
Ավելի վաղ Վասիլեւսկիսի ընկերները լրագրողներին հայտնել էին, որ նա ֆինանսական ծանր դրության մեջ է, քանզի բնակարանի համար խոշոր վարկ է վերցրել:
Նշենք, որ հուլիսի 7-ին Լատվիայի օլիմպիական կոմիտեն հաստատել է լատվիական պատվիրակության վերջնական կազմը, որը հանդես է գալու Լոնդոնի Օլիմպիական խաղերում: 30-ամյա Վասիլեւսկիսը ընդգրկված է այդ կազմում:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.