«Մանչեսթեր Յունայթեդի» կիսապաշտպան Հենրիխ Մխիթարյանը կմասնակցի հոլանդական «Ֆեյենորդի» դեմ Եվրոպայի լիգայի 5-րդ տուրի խաղին: Այդ մասին հայտարարել է անգլիական ակումբի գլխավոր մարզիչ Ժոզե Մոուրինյոն, որը պատմել է նաեւ, թե ինչու Հայաստանի հավաքականի ավագը բաց թողեց Լոնդոնի «Արսենալի» դեմ Պրեմիեր լիգայի նախորդ տուրի հանդիպումը:
«Այո, ես ասել եմ Մխիթարյանին, որ նա կներգրավվի «Ֆեյենորդի» դեմ խաղին։ Նա փորձում է։ Ակնհայտ է, որ Հենրիխը երջանիկ չէ, սակայն նա իր հիասթափությունն արտահայտում է լռությամբ ու ջանասիրաբար աշխատելով:
«Արսենալի» հետ դիմակայությունը նրա խաղը չէր, քանի որ չէի կարծում, որ նրան հարկավոր է փոխարինման դուրս գալ 10 կամ 20 րոպեով։ Նա պետք է լինի մեկնարկային կազմում կամ խաղա երկրորդ խաղակեսից: Մխիթարյանին անհրաժեշտ է քիչ ճնշում ու շատ ազատություն, որպեսզի ցուցադրի իր լավագույն որակները»,- Մոուրինյոյի խոսքը մեջբերում է «Մանչեսթեր Յունայթեդի» կայքը։
«Մանչեսթեր Յունայթեդ» - «Ֆեյենորդ» խաղը կկայանա նոյեմբերի 24-ին եւ կսկսվի Երեւանի ժամանակով կեսգիշերին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։