Լոնդոնում ընթացող թենիսի տղամարդկանց տարվա ամփոփիչ մրցաշարի խմբային փուլի վերջին հանդիպումից հրաժարվել է մրցաշարի 30-ամյա նորեկ, ֆրանսիացի Գաել Մոնֆիսը։ Երրորդ տուրում նա պետք է հանդիպեր աշխարհի երկրորդ ռակետ, սերբ Նովակ Ջոկովիչի հետ։
«Ցավոք, պետք է հայտնեմ, որ մրցաշրջանն ինձ համար ավարտված է եւ չեմ կարողանա խաղալ Նովակի դեմ։ Ափսոսում եմ, բայց նաեւ գիտեմ, որ ես եւ իմ թիմն անցկացրել ենք գերազանց մրցաշրջան»,- Ֆեյսբուքում գրել է Մոնֆիսը։
Ջոկովիչի համար երրորդ հանդիպումը մարզական նշանակություն չուներ, սակայն նա մրցեց Մոնֆիսին փոխարինած բելգիացի Դավիդ Գոֆենի հետ եւ հաղթեց 6:1, 6:2 հաշվով: Երկրորդ տուրից հետո Ջոկովիչն ապահովել էր կիսաեզրափակիչի ուղեգիրը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։