Ուելսի հավաքականի եւ «Մանչեսթեր Յունայթեդի» նախկին կիսապաշտպան Ռոբի Սեւիջն անդրադարձել է Հենրիխ Մխիթարյանին, որը խաղային պրակտիկա չունի անգլիական ակումբում:
«Ինձ համար ամենամեծ հիասթափությունս կապված է Հենրիխ Մխիթարյանի հետ: Դրա պատճառը ոչ թե նրա վատ խաղն է, այլ այն, որ ֆուտբոլիստին չեմ տեսնում գործի մեջ: Ակնկալում էի, որ Մանչեսթերում նա խաղալու է ամեն շաբաթ: Գիտեմ, որ նրան խանգարել են վնասվածքները: Մխիթարյանն անհավանական ֆուտբոլիստ էր Դորտմունդի «Բորուսիայում», բայց նա չի կարողանում խաղի մեջ ներգրավվել «Մանչեսթեր Յունայթեդում»: Ես շատ հիասթափված եմ»,- Ռոբի Սեւիջի խոսքը մեջբերում է Thesportreview.com-ը:
Հիշեցնենք, որ Անգլիայի ընթացիկ առաջնությունում Հայաստանի հավաքականի 27-ամյա կիսապաշտպանը մասնակցել է 4 խաղի՝ մեկնարկային կազմում հանդես գալով միայն մեկ անգամ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։