Ֆելիպե Մասան հրաժեշտ է տվել Ֆորմուլա 1-ին (ֆոտոշարք)
11:40 14 նոյեմբերի, 2016«Ուիլյամսի» բրազիլացի մրցարշավորդ Ֆելիպե Մասան Ֆորմուլա-1-ի Բրազիլիայի Մեծ մրցանակի ժամանակ հրաժեշտ է տվել երկրպագուներին ու ավտոաշխարհին: Բրազիլացին այս մրցաշրջանի վերջում ավարտելու է կարիերան:
Բրազիլիայի Մեծ մրցանակում Մասան չէր հատել եզրագիծը, քանի որ 48-րդ շրջանում պայքարը լքել էր ավտովթարի պատճառով: Երկրպագուներին հրաժեշտ տալիս նա չի զսպել արցունքները:
Կարիերայի ընթացքում 35-ամյա բրազիլացի աշավորդը մասնակցել է 249 Մեծ մրցանակի եւ տարել 11 հաղթանակ ու մեկ անգամ մոտ էր չեմպիոնական տիտղոսին: Մասան մեծ հարգանք է վայելում Ֆորմուլա-1-ի ներկայացուցիչների ու երկրպագուների շրջանում:
Հիշեցնենք, որ Ֆորմուլա-1-ի այս մրցաշրջանը կավարտվի Աբու Դաբիի Մեծ մրցանակով, որում հայտնի կդառնա նաեւ այս տարվա չեմպիոնը: Տիտղոսի համար կպայքարեն «Մերսեդեսի» մրցարշավորդներ Լյուիս Հեմիլթոնը եւ Նիկո Ռոսբերգը: Ֆորմուլա-1-ի գործող չեմպիոն Հեմիլթոնը հաղթել էր Բրազիլիայի Մեծ մրցանակում, սակայն ընդհանուր հաշվարկի առաջատարը Ռոսբերգն է, որի առավելությունը թիմակցի նկատմամբ 12 միավոր է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։