«Մանչեսթեր Յունայթեդի» երկրպագուները Մոուրինյոյից պահանջել են Մխիթարյանին ընդգրկել մեկնարկային կազմում
17:08 12 նոյեմբերի, 2016Հայաստանի ազգային հավաքականի ավագ Հենրիխ Մխիթարյանը Չեռնոգորիայի դեմ աշխարհի առաջնության ընտրական փուլի չորրորդ տուրի խաղում տպավորել է անգլիական «Մանչեսթեր Յունայթեդի» երկրպագուներին:
Goal.com-ի համաձայն՝ Երեւանի «Հանրապետական» ստադիոնում կայացած հանդիպումից հետո անգլիական ակումբի երկրպագուները սոցիալական ցանցերում աջակցել են Մխիթարյանին, որը խաղային պրակտիկա չունի Ժոզե Մոուրինյոյի թիմում: Ֆանատները «Մանչեսթեր Յունայթեդի» գլխավոր մարզիչից պահանջել են հայ կիսապաշտպանին մեկնարկային կազմում ընդգրկել Լոնդոնի «Արսենալի» դեմ Պրեմյեր լիգայի 12-րդ տուրի խաղում:
Հիշեցնենք, որ Չեռնոգորիայի հավաքականը 2 գոլի առավելություն ուներ առաջին խաղակեսից հետո, բայց պարտվեց 2:3 հաշվով: Ազդրի վնասվածքից հետո Մխիթարյանը խաղադաշտից բացակայում էր սեպտեմբերի 10-ից եւ դաշտ վերադարձավ միայն նախորդ շաբաթ՝ «Ֆեներբահչեի» դեմ Եվրոպայի լիգայի խաղում հանդես գալով 30 րոպե:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.