Չեռնոգորիայի հավաքականի մարզիչ. Խաղի այսպիսի ընթացքը շոկ էր ինձ համար
23:52 11 նոյեմբերի, 2016Խաղի այսպիսի ընթացքը շոկ էր ինձ համար: Ես, իրոք, շատ զարմացած եմ:
Այս մասին հայտարարեց Չեռնոգորիայի հավաքականի գլխավոր մարզիչ Լյուբիշա Տումբակովիչը՝ հետխաղյա ասուլիսում մեկնաբանելով Հայաստանի թիմից կրած պարտությունը աշխարհի առաջնության ընտրական փուլի չորրորդ տուրում:
«Ես նախախաղային ասուլիսի ժամանակ ասել էի, որ ընդամենը 3 տուր է կայացել ընտրական փուլում, իսկ հաջորդ 7 տուրերն կխաղարկվի 21 միավոր, եւ բոլոր թիմերն էլ ունեն հաղթելու շանսեր: Ցավոք, ես ճիշտ էի: Շնորհավորում եմ Հայաստանի հավաքականին: Մրցակիցը վատ սկսեց խաղը, սակայն ամբողջ խաղի ընթացքում նրանք իրապես գիտեին, թե ինչ են ցանկանում: Վերջում հայերը հասան ցանկալի արդյունքի: Մեկ անգամ եւս շնորհավորում եմ: Խաղի այսպիսի ընթացքը շոկ էր ինձ համար: Ես, իրոք, շատ զարմացած եմ»,- նշեց մարզիչը:
Հիշեցնենք, որ Երեւանի «Հանրապետական» ստադիոնում կայացած խաղում Չեռնոգորիայի հավաքականը 2 գոլի առավելություն ուներ առաջին խաղակեսից հետո, բայց պարտվեց 2:3 հաշվով: Դա Արթուր Պետրոսյանի նորամուտի խաղն էր Հայաստանի հավաքականի գլխավոր մարզիչի պաշտոնում:
Դավիթ Եղիազարյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.