Նոկաուտ` ծնկի հարվածով

UFC 148 մրցաշարի երկրորդ խաղ-ռեւանշը միջին քաշային կարգում UFC-ի չեմպիոն, բրազիլացի Անդերսոն Սիլվայի եւ հավակնորդ Չել Սոնենին կայացել է հուլիսի 7-ին, Լաս Վեգասում:

37-ամյա Սիլվան տեխնիկական նոկաուտով հաղթել է մրցակցին: Վճռորոշ է դարձել մենամարտի երկրորդ ռաունդում Սիլվայի հարվածը, որից հետո Սոնենը հայտնվել է ծանր նոկաուտում:

Մենամարտից հետո Սիլվան իր զավակների հետ բուռն կերպով նշել է հաղթանակը, իսկ Սոնենը միայն մի քանի խոսք է կարողացել ասել այն մասին, որ Սիլվան իսկական չեմպիոն է, եւ նրա ծնկով հարվածը վճռական դարձավ: Բրազիլացին չեմպիոնին վայել մեծահոգություն դրսեւորեց: Նա ոչ միայն ձեռք մեկնեց մի մարդու, որը ամիսներ շարունակ վիրավորում էր նրան եւ նրա հայրենիքին, այլ նաեւ գրկեց Սոնենին եւ խորովածի հրավիրեց: