Բոլթը, Ֆարան ու Վան Նիկերկը՝ տարվա լավագույն աթլետի կոչման հավակնորդներ
20:16 9 նոյեմբերի, 20169-ակի օլիմպիական չեմպիոն, 100 եւ 200 մետր վազքերի աշխարհի ռեկորդակիր, ջամայկացի Ուսեյն Բոլթը, միջին եւ երկար տարածությունների քառակի օլիմպիական չեմպիոն, բրիտանացի Մո Ֆարան եւ 400 մետր վազքի աշխարհի ռեկորդակիր, օլիմպիական չեմպիոն, հարավաֆրիկացի Վայդե վան Նիկերկը հավակնում են տարվա լավագույն աթլետի մրցանակին, Աթլետիկայի միջազգային ֆեդերացիայի վարկածով:
Կանանց հավակնորդների եռյակում են երկար մրցատարածությունների վազորդուհի, օլիմպիական չեմպիոն, եթովպիացի Ալմազ Այանան, ջամայկացի արագավազորդ, կրկնակի օլիմպիական չեմպիոն Էլեյն Թոմփսոնը եւ մուրճի նետման օլիմպիական չեմպիոն, լեհ Անիտա Վլոդարչիկը:
Բոլոր հավակնորդները Ռիոյի Օլիմպիական խաղերի չեմպիոններ են: Հաղթողները հայտնի կդառնան դեկտեմբերի 2-ին Մոնակոյում կայանալիք արարողության ժամանակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։