Marca. «Մխիթարյանի գործը» հանելուկ է մնում
10:53 8 նոյեմբերի, 2016Marca-ն անդրադարձել է Հայաստանի հավաքականի կիսապաշտպան Հենրիխ Մխիթարյանի շուրջ ստեղծած իրավիճակին անգլիական «Մանչեսթեր Յունայթեդում»:
Իսպանական հեղինակավոր պարբերականը հիշեցրել է Մխիթարյանի տրանսֆերային արժեքն ու Դորտմունդի «Բորուսիայի» կազմում նրա տպավորիչ արդյունավետությունը նախորդ մրցաշրջանում:
«Մխիթարյանի բացակայությունը մեծ դժգոհություն է առաջացնում ակումբի երկրպագուների շրջանում: Փոխարենը Ժոզե Մոուրինյոն հայտարարեց, որ Մխիթարյանին ժամանակ է հարկավոր անգլիական ֆուտբոլին հարմարվելու համար»,- գրում է Marca-ն:
Պարբերականը հիշեցրել է նաեւ Անխել Դի Մարիայի անհաջող տեղափոխությունը «Մանչեսթեր Յունայթեդ»: Արգենտինացի կիսապաշտպանը, Մադրիդի «Ռեալից» տեղափոխվելով անգլիական ակումբ, շուտով ստիպված եղավ լքել թիմը:
«Նախորդ հինգշաբթի օրը Հենրիխ Մխիթարյանը վնասվածքից հետո վերադարձավ խաղադաշտ եւ մասնակցեց «Ֆեներբահչեի» դեմ Եվրոպայի լիգայի խաղին, սակայն «Սուոնսիի» հետ հաջորդ հանդիպմանը նա դարձյալ բացակայում էր: Տեղափոխությունից 4 ամիս անց նա պաշտոնական խաղերում միայն 133 րոպե է անցկացրել խաղադաշտում: «Մխիթարյանի գործը» հանելուկ է մնում»,- գրում է կայքը:
Հիշեցնենք, որ Հենրիխ Մխիթարյանը միացել է Հայաստանի հավաքականին, որը պատրաստվում է Չեռնոգորիայի դեմ նոյեմբերի 11-ին Երեւանում կայանալիք աշխարհի 2018թ. առաջնության ընտրական խաղին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.