Մոուրինյո.«Ֆեներբահչեն» անցկացրեց Չեմպիոնների լիգայի եզրափակիչ, իսկ մենք՝ նախամրցաշրջանային հանդիպում
12:33 4 նոյեմբերի, 2016«Մանչեսթեր Յունայթեդի» գլխավոր մարզիչ Ժոզե Մոուրինյոն մեկնաբանել է ֆուտբոլի Եվրոպայի լիգայի չորրորդ տուրում թուրքական «Ֆեներբահչեից» կրած պարտությունը:
«Մեր խնդիրներն առաջացան ընդհանուր մոտեցումից: Մրցակիցը խաղում էր Չեմպիոնների լիգայի եզրափակիչ, իսկ մենք՝ նախամրցաշրջանային հանդիպում: «Ֆեներբահչեն» արժանի էր հաղթանակի: Ֆուտբոլում կերեւոր է ոչ միայն որակը, այլեւ ձգտումը, նվիրվածությունը գործին եւ խաղադաշտում բոլոր ուժերը ներդնելը: Երկրորդ րոպեին գոլ բաց թողնող թիմը պատրաստ չէ խաղին ինչպես հոգեբանորեն, այնպես էլ կենտրոնացվածությամբ»,- մարզիչի խոսքը մեջբերում է Daily Mail-ը:
Հիշեցնենք, որ Ստամբուլում կայացած խաղում անգլիական ակումբը պարտվել էր 1:2 հաշվով, իսկ Հայաստանի հավաքականի կիսապաշտպան Հենրիխ Մխիթարյանը հյուրերի կազմում փոխարինման դուրս եկավ 61-րդ րոպեին՝ անցկացնելու առաջին հանդիպումը վնասվածքից հետո:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.