Մոուրինյոյին Հենրիխ Մխիթարյանի մասին հարցրել է ադրբեջանցի լրագրողը
10:05 4 նոյեմբերի, 2016«Մանչեսթեր Յունայթեդի» եւ թուրքական «Ֆեներբահչեի» միջեւ ֆուտբոլի Եվրոպայի լիգայի չորրորդ տուրի հանդիպման հետխաղյա ասուլիսում Հայաստանի հավաքականի կիսապաշտպան Հենրիխ Մխիթարյանի վերադարձի մասին անգլիական ակումբի գլխավոր մարզիչ Ժոզե Մոուրինյոյին հարցրել է ադրբեջանցի լրագրողը:
«Հենրիխ Մխիթարյանը պետք է անի ավելին: Ամեն բան շատ պարզ է: Մենք մեծ սպասելիքներ ունենք ակումբում: Ունենք այդ դիրքում հանդես եկող շատ խաղացողներ: Նա պետք է խաղա ավելի լավ, քան Խուան Մատան, Ջեսի Լինգարդն ու Անտոնի Մարտիալը: Աշխարհում յուրաքանչյուր մարզիչ ցանկանում է հաղթել խաղերը, ցանկացած մարզիչ ցանկանում է խաղացնել այն ֆուտբոլիստներին, որոնք կարող են օգտակար լինել թիմին, եւ ես բացառություն չեմ»,- ասել է Մոուրինյոն, փոխանցում է Daily Mail-ը:
Հիշեցնենք, որ Ստամբուլում կայացած խաղում անգլիական ակումբը պարտվել էր 1:2 հաշվով, իսկ Հենրիխ Մխիթարյանը փոխարինման դուրս եկավ 61-րդ րոպեին՝ անցկացնելու առաջին հանդիպումը վնասվածքից հետո: Նա խաղադաշտից բացակայում է սեպտեմբերի 10-ից, երբ նրա ազդրի վնասվածքը կրկնվել էր «Մանչեսթեր Սիթիի» դեմ Պրեմյեր լիգայի խաղում:
Տեսանյութում ադրբեջանցի լրագրողի հարցը՝ 6:40-ից
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.