Ժոզե Մոուրինյոն որակազրկվեց եւ տուգանվեց
23:02 2 նոյեմբերի, 2016Անգլիայի ֆուտբոլային ասոցիացիան մեկ խաղով որակազրկել է «Մանչեսթեր Յունայթեդի» գլխավոր մարզիչ Ժոզե Մոուրինյոյին: Պորտուգալացի մասնագետը ստիպված կլինի նաեւ վճարել 58 հազար ֆունտ ստերլինգ տուգանք:
«Բարնլիի» դեմ Անգլիայի առաջնության 10-րդ տուրի խաղում (0:0) մրցավար Մարկ Կլատենբուրգը հեռացրեց Մոուրինյոյին քննադատության համար: «Յունայթեդի» մարզիչը դժգոհ էր, որ Կլատենբուրգը չէր նշանակել 11 մետրանոց «Բարնլիի» դապասին, երբ Ջոն Ֆլանագանը խախտեց կանոնները Մատեո Դարմիանի նկատմամբ: Դրա համար Մոուրինյոն որակազրկվել է մեկ խաղով եւ տուգանվել 8 հազար ֆունտ ստերլինգով:
Եվս 50 հազար ֆունտ ստերլինգով Մոուրինյոն տուգանվել է «Լիվերպուլի» դեմ Անգլիայի առաջնության 8-րդ տուրի խաղից առաջ մրցավարների վերաբերյալ արած մեկնաբանության համար:
Մոուրինյոն բաց կթողնի նոյեմբերի 6-ին կայանալիք «Սոունսիի» դեմ Պրեմյեր լիգայի 11-րդ տուրի հանդիպումը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։