Էնդի Մարեյի եւ Դոմինիկա Ցիբուլկովայի տիտղոսները

19:27   30 հոկտեմբերի, 2016

Բրիտանացի Էնդի Մարեյը երրորդ մրցաշարն անընդմեջ ավարտում է հաղթողի տիտղոսով: Պեկինում եւ Շանհայում տարած հաղթանակներից հետո Մարեյը հավասարը չունեցավ Ավստրիայի մայրաքաղաք Վիենայում անցկացված ATP շարքի մրցաշարում: Եզրափակիչում Մարեյը 1 ժամ 50 րոպեում առավելության հասավ ֆրանսիացի Ժո-Ուիլֆրիդ Ցոնգայի նկատմամբ՝ 6:3, 7:6 (8:6):

Փարիզում կայանալիք հաջորդ մրցաշարում տիտղոսը նվաճելու դեպքում Մարեյը հնարավորություն կունենա ապահովել աշխարհի առաջին ռակետի կարգավիճակը, եթե սերբ Նովակ Ջոկովիչը Փարիզում չհասնի եզրափակիչ:

WTA տարվա ամփոփիչ առաջնությունում չեմպիոնի տիտղոսը նվաճել է սլովակ Դոմինիկա Ցիբուլկովան: Կանանց ամփոփիչ մրցաշարի եզրափակիչում Ցիբուլկովան երկու սեթում պարտության է մատնել գերմանացի Անժելիկ Կերբերին՝ 6:3, 6:4: Պայքարը տեւել է 1 ժամ 16 րոպե: Ցիբուլկովան տարին կավարտի աշխարհի 5-րդ ռակետի դիրքում:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։