Գերմանիայում հանդես եկող հայ ֆուտբոլիստը պատրաստ է տեղափոխվել Հայաստան
17:15 26 հոկտեմբերի, 2016Մեծ ցանկություն ունեմ խաղալ Հայաստանի մինչեւ 19 տարեկանների հավաքականում: Հարկ եղած դեպքում կտեղափոխվեմ նաեւ հայկական որեւէ ակումբ:
Այս մասին NEWS.am Sport-ի թղթակցի հետ զրույցում ասաց գերմանական «Օյսկիրխեն» ակումբի 18-ամյա ֆուտբոլիստ Հարություն Գարինյանը, որն օրերս Գերմանիայում մինչեւ 19 տարեկանների Mittelhrein լիգայում ճանաչվել է շաբաթվա լավագույն պաշտպան։
«Ֆուտբոլ խաղում եմ 6 տարեկանից։ Գերմանիայում զարգանալու, աճելու տեղ շատ կա, բայց ցանկանում եմ խաղալ իմ հայրենիքում։ Մեծ ցանկություն ունեմ հանդես գալ Հայաստանի Մ-19 հավաքականում եւ հարկ եղած դեպքում նույնիսկ կտեղափոխվեմ հայկական որեւէ ակումբ։ Հնարավորություն ունեցել եմ Հայաստանի Մ-19 հավաքականի կազմում մասնակցել երկու խաղերի, երկուսն էլ՝ Սլովակիայի դեմ։
Այս պահին խաղում եմ գերմանական «Օյսկիրխեն» ակումբում։ Օրերս մինչեւ 19 տարեկանների Mittelhrein առաջնությունում 15 թիմերի մեջ ճանաչվեցի շաբաթվա լավագույն պաշտպան: Ընդգրկվեցի նաեւ 11 լավագույն խաղացողների մեջ»,- զրույցում ասաց Հարություն Գարինյանը։
Գարինյանը ծնվել է Գերմանիայում: Խաղացել է գերմանական «Վիկտորիա Քյոլն» (2013-2014), «Ֆորտունա Քյոլն» (2014-2015), «Մյոնխենգլադբախ» (2015-2016) ակումբներում, իսկ այս տարվա սկզբնամասում միացել է «Օյսկիրխեն» թիմին։ 180 սմ հասակ ունեցեղ ֆուտբոլիստը խաղում է աջ պաշտպանի դիրքում:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.