«Բարսելոնայի» դեմ անհաջող խաղից հետո Գվարդիոլան հիշել է կարիերայի վատագույն պարտությունը
12:42 20 հոկտեմբերի, 2016Անգլիական «Մանչեսթեր Սիթին» գլխավորող Խոսեպ Գվարդիոլան մեկնաբանել է Չեմպիոնների լիգայի երրորդ տուրում «Բարսելոնայից» կրած պարտությունը 0:4 հաշվով:
«Անհատական սխալները թանկ նստեցին մեզ վրա: Ֆերնանդինյո, Կլաուդիո Բրավո. այո, նրանք սխալվեցին: Ունեցանք գոլային պահեր, սակայն չօգտագործեցինք դրանք: Հնարավոր չէ հաղթել՝ առանց գոլ խփելու:
Սա իմ կարիերայի վատագույն պարտությունը չէր: Վատագույնը «Բավարիայի» հետ էր, երբ մենք պարտվեցինք Մադրիդի «Ռեալին», իսկ ես սխալվեցին մեկնարկային կազմի հարցում: Ագուերոյին մեկնարկային կազմում դաշտ դուրս չբերելը կապված էր կիսապաշտպանությունն ուժեղացնելու անհրաժեշտության հետ:
«Բարսելոնային» հաղթելը հեշտ չէ, հակտապես՝ 10 խաղացողներով: Մենք պայքարեցինք ուժեղ բնավորություն ունեցող մրցակցի հետ: Առաջին գոլի դրվագում մեր բախտը չբերեց: Կարելի է ասել, որ Բրավոյի հեռացումից հետո խաղն ավարտված էր: Արդեն զրուցել եմ Կլաուդիոյի հետ. նա հիասթափված է, սակայն նման իրադարձությունները խաղի մի մասն են: Ֆուտբոլում բոլորն են սխալվում»,- մարզիչի խոսքը մեջբերում է Sport.es-ը:
Հիշեցնենք, որ Խոսեպ Գվարդիոլան 2008–2012-ը գլխավորել է «Բարսելոնան»: Նրա գլխավորությամբ Մյունխենի «Բավարիան» Չեմպիոնների լիգայի 2013/14 մրցաշարի կիսաեզրափակիչում 2 պարտություն էր կրել Մադրիդի «Ռեալից» (0:1՝ Մադրիդում, 0:4՝ Մյունխենում):
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.