Պաշտոնական. Արթուր Պետրոսյանը կգլխավորի Հայաստանի հավաքականը
12:15 19 հոկտեմբերի, 2016Շվեյցարական «Ցյուրիխի» երիտասարդական թիմը գլխավորող Արթուր Պետրոսյանը կնշանակվի ֆուտբոլի Հայաստանի ազգային հավաքականի գլխավոր մարզիչ, հայտնում է ՀՖՖ կայքը:
Հայաստանի հավաքականի լեգենդար ֆուտբոլիստն ազգային թիմի գլխավոր մարզիչի պաշտոնը կզբաղեցնի նոյեմբերի 1-ից եւ պայմանագիր կկնքի Հայաստանի ֆուտբոլի ֆեդերացիայի հետ:
44-ամյա Արթուր Պետրոսյանը Հայաստանի հավաքականի մարզչական շտաբում աշխատել է Եվրո-2016-ի ընտրական փուլում, երբ ազգային թիմը գլխավորում էր շվեյցարացի Բեռնար Շալանդը: Ֆուտբոլային կարիերայի տարիներին նա 1992-2005-ը Հայաստանի հավաքականում անցկացրել է 70 խաղ եւ խփել 11 գոլ: Պետրոսյանը մարզչական գործունեությունը սկսել է 2006 թվականին:
Հիշեցնենք, որ Հայաստանի հավաքականի գլխավոր մարզիչի պաշտոնը թափուր էր դարձել Վարուժան Սուքիասյանի հրաժարականից հետո:
Աշխարհի 2018թ. առաջնության ընտրական փուլի 3 տուրերում հայկական թիմը պարտվել է Դանիային (0:1), Ռումինիային (0:5) եւ Լեհաստանին (1:2): ԱԱ-2018-ի ընտրական փուլում Հայաստանի հավաքականի հաջորդ՝ տարեվերջյան խաղը նախատեսված է նոյեմբերի 11-ին, երբ Երեւանում մրցակիցը կլինի խմբի առաջատար Չեռնոգորիայի հավաքականը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.