Վարուժան Սուքիասյանը Հայաստանի թիմի ֆուտբոլիստների վնասվածքների համար մեղադրեց լրագրողներին
22:53 8 հոկտեմբերի, 2016Հայաստանի ազգային հավաքականի գլխավոր մարզիչ Վարուժան Սուքիասյանը աշխարհի առաջնության ընտրական փուլի երկրորդ տուրում ռումինացիներից կրած խոշոր հաշվով պարտությունից հետո հետխաղյա ասուլիսում լրագրողներին մեղադրեց հայ ֆուտբոլիստների վնասվածքների համար: Ասուլիսի ընթացքում մարզիչը հաճախ բանավեճի էր մտնում լրագրողների հետ՝ նրանց դիմելով «դու»-ով: Իսկ, թե ինչպես պետք է թիմին դուրս բերել այս բարդ իրավիճակից, Սուքիասյանը հաճախ տալիս էր «տեսնենք» պատասխանը:
«Երեւի, այդ վատ մթնոլորտը, որ տիրում է ձեր մեջ, այ դրանից է, որ ամբողջ թիմը վնասվածքների մեջ է»,- նշեց Վարուժան Սուքիասյանը, որի այդ հայտարարությանը լրագրողները պատասխանեցին ծափահարություններով:
Հիշեցնենք, որ Երեւանի «Հանրապետական» ստադիոնում կայացած խաղում Ռումինիայի հավաքականը հաղթեց 5:0 հաշվով: Ուկրաինական «Ստալի» կիսապաշտպան Գոռ Մալաքյանի հեռացման պատճառով դաշտի տերերը երրորդ րոպեից խաղում էին 10 ֆուտբոլիստներով: Հոկտեմբերի 11-ին Հայաստանի հավաքականը Վարշավայում ընտրական հանդիպում կանցկացնի լեհերի հետ:
Դավիթ Եղիազարյան
Լուսանկարն՝ Արսեն Սարգսյանի
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.