Կարեն Խաչանովի առաջին տիտղոսը ATP-ում
16:04 2 հոկտեմբերի, 2016Ռուսաստանցի Կարեն Խաչանովը կարիերայի առաջին տիտղոսը նվաճեց թենիսի ATP շարքի մրցաշարերում:
Չինաստանի Չենդու քաղաքում ավարտված մրցաշարի եզրափակիչում 20-ամյա թենիսիստը 3 սեթում կամային հաղթանակ տարավ իսպանացի Ալբերտ Ռամոսի նկատմամբ: 2 ժամ 40 րոպե տեւած մրցախաղում Խաչանովը հաղթեց 6:7, 7:6, 6:3 հաշվով:
Հիշեցնենք, որ առաջին շրջանում աշխարհի 101-րդ ռակետ Խաչանովը հաղթել էր պորտուգալացի Ժոաո Սոուզային, երկրորդում՝ ֆրանսիացի Ադրիան Մանարինոյին, երրորդում՝ իսպանացի Ֆելիսիանո Լոպեսին, իսկ կիսաեզրափակիչում ուժեղ էր գտնվել սերբ Վիկտոր Տրոիցկուց: Չենդուի մրցաշարի մրցանակային հիմնադրամը 840 915 դոլար է:
Այս հաղթանակի շնորհիվ Կարեն Խաչանովը կվաստակի 250 վարկանիշային միավոր եւ ATP-ի ցուցակում կբարձրանա 55-րդ տեղ:
Չենդու, եզրափակիչ, տղամարդիկ
Ալբերտ Ռամոս (Իսպանիա) - Կարեն Խաչանով (Ռուսաստան)՝ 7:6 (3), 6:7 (3), 3:6
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.