Հայաստանի երիտասարդական հավաքական կիսապաշտպան Արտյոմ Սիմոնյանը հեռացել է շվեյցարական «Ցյուրիխից»: 21-ամյա ֆուտբոլիստին մինչեւ այս մրցաշրջանի ավարտը վարձակալել է «Լե Մոնտ» ակումբը, որը հանդես է գալիս Շվեյցարիայի առաջին դիվիզիոնում, փոխանցում է ակումբի կայքը:
Արտյոմ Սիմոնյանի աշխատավարձը կշարունակի վճարել «Ցյուրիխը», որն անվճար է բաժանվել նրանից:
«Լե Մոնտի» նախագահ Սերժ Դյուպերեն խոսել է հայ կիսապաշտպանի տեղափոխության մասին:
«Սիմոնյանը հիանալի ֆուտբոլիստ է: Նա մեզ շատ կօգնի այս մրցաշրջանում: «Ցյուրիխում» դեռ չեն վստահում նրան, սակայն մեծ հույսեր են կապում ապագայում: Շնորհակալ ենք «Ցյուրիխի» նախագահին, որն անվճար մեզ տրամադրեց Սիմոնյանի պես ֆուտբոլիստի»,- Դյուպերեի խոսքը փոխանցում «Լե Մոնտի» կայքը:
Հիշեցնենք, որ Արտյոմ Սիմոնյանը 2015-ին ռուսական «Զենիթից» էր տեղափոխվել «Ցյուրիխ»: Շվեյցարիայի առաջին դիվիզիոնի 10-րդ տուրից հետո «Լե Մոնտը» 11 միավորով 6-րդ տեղում է: Առաջնությանը մասնակցում է 10 թիմ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։