Կանադան՝ հոկեյի աշխարհի գավաթակիր

09:20   30 սեպտեմբերի, 2016

Կանադայում անցկացված տափօղակով հոկեյի աշխարհի գավաթի խաղարկությունն ավարտվեց տանտերերի հաղթանակով:

Տորոնտոյում կայացած եզրափակիչում կանադացիները 2:1 հաշվով հաղթեցին մրցաշարի գլխավոր հայտնությունը դարձած Եվրոպայի հավաքականին: Հաշիվն առաջին խաղափուլում եվրոպացիները բացեցին սլովակ պաշտպան Զդենկո Խարայի գոլի շնորհիվ, սակայն երրորդ խաղափուլի ամենավերջում Կանադայի հավաքականը խփեց 2 գոլ եւ տարավ կամային հաղթանակ: Տանտերերից աչքի ընկան հարձակվողներ Պատրիս Բերժեսոնն ու Բրեդ Մարշալը: Ընդ որում՝ հանդիպման ավարտից 3 րոպե առաջ Եվրոպայի թիմը դեռ առաջեւում էր հաշվի մեջ:

Մրցաշարի լավագույն հոկեյիստ ճանաչվեց Կանադայի հավաքականի ավագ Սիդնի Կրոսբին: Ամերիկյան «Պիտսբուրգի» հարձակվողը դարձավ նաեւ լավագույն ռմբարկու՝ հավաքելով 10 միավոր (3+7):

Կանադան պատմության մեջ երրորդ անգամ դարձավ հոկեյի աշխարհի գավաթակիր:

 



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։