«Մանչեսթեր Յունայթեդի» մամուլի ծառայությունը «Զարյայի» դեմ ֆուտբոլի Եվրոպայի լիգայի խմբային փուլի երկրորդ տուրի հանդիպումից առաջ հիշեցրել է Հենրիխ Մխիթարյանի արդյունավետությունն ուկրաինական ակումբի դեմ խաղերում։
Դոնեցկի «Շախտյորի» կազմում հանդես գալու տարիներին Հայաստանի հավաքականի ավագը «Զարյայի» դեմ 3 խաղերում դարձել է 4 գոլի հեղինակ։ «Մանչեսթեր Յունայթեդի» կայքը նշում է, որ Մխիթարյանը կարող է բարելավել այդ ցուցանիշը, եթե մասնակցի առաջիկա հանդիպմանը, որը կկայանա սեպտեմբերի 29-ին Մանչեսթերում ու կսկսվի Երեւանի ժամանակով 23:05-ին
Հիշեցնենք, որ Հենրիխ Մխիթարյանն Ուկրաինայի առաջնության ռմբարկուական ռեկորդը սահմանել էր հենց «Զարյայի» դեմ հանդիպմանը։ Այդ խաղում նա դարձել էր դուբլի հեղինակ եւ առաջնությունում գոլերի քանակը հասցրել էր 25-ի։
Հայ կիսապաշտպանը խաղադաշտից բացակայում է սեպտեմբերի 10-ից, երբ նրա վնասվածքը կրկնվել էր «Մանչեսթեր Սիթիի» դեմ խաղում։ Մխիթարյանն արդեն վերականգնվել է եւ պատրաստ է վերադառնալ խաղադաշտ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։