Լուիս Էնրիկե. Մեսիի բացակայությունը կորուստ է ամբողջ ֆուտբոլի համար
19:14 22 սեպտեմբերի, 2016«Բարսելոնայի» գլխավոր մարզիչ Լուիս Էնրիկեն «Աթլետիկոյի» դեմ Իսպանիայի առաջնության 5-րդ տուրի հանդիպումից հետո հայտարարել է, որ կատալոնական թիմն ավելի էր արժանի հաղթանակի:
«Մեսիի վնասվածքն ու նրա բացակայությունը կորուստ է ամբողջ ֆուտբոլի համար: Անցած մրցաշրջանում նա տեւական ժամանակ չխաղաց, բայց մենք հաղթահարեցինք այդ փորձությունը: Իհարկե, Մեսիի հետ մենք ավելի ուժեղ ենք, բայց առանց նրա էլ մենք կմնանք ուժեղ:
«Աթլետիկոյի» հետ դիմակայություններում ամեն ինչ որոշում են մանրուքները: Մենք ավելի էինք արժանի հաղթանակի՝ հաշվի առնելով ցանկությունն ու առավելությունը, որ կար խաղադաշտում: Բայց ֆուտբոլում կան նաեւ այլ գործոններ»,- Լուիս Էնրիկեի խոսքը մեջբերում է Goal.com-ը:
Հիշեցնենք, որ 1:1 հաշվով ավարտված խաղում Մեսին ազդրի մկանային վնասվածք է ստացել եւ բաց կթողնի մոտ երեք շաբաթ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.