«Մանչեսթեր Յունայթեդն» ու «Մանչեսթեր Սիթին» հաջորդ շրջանում են

Ֆուտբոլի Անգլիական լիգայի գավաթի խաղարկության երրորդ շրջանում հաղթանակներ տարան եւ 1/8 եզրափակիչի ուղեգրեր նվաճեցին «Մանչեսթեր Յունայթեդը» եւ «Մանչեսթեր Սիթին»:

Ժոզե Մոուրինյոյի գլխավորած «Մանչեսթեր Յունայթեդը» մրցակցի խաղադաշտում 3:1 հաշվով առավելության հասավ երրորդ լիգան ներկայացնող «Նորթհեմփթոնի» նկատմամբ: «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը վնասվածքի հետեւանքով հայտավորված չէր:

Անգլիական լիգայի գավաթ, 1/16 եզրափակիչ

«Նորթհեմփթոն Թաուն» - «Մանչեսթեր Յունայթեդ»՝ 1:3

Ալեքս Ռեւել, 42, 11մ - Մայքլ Քարիկ, 17, Անդեր Էրերա, 68, Մարկուս Ռեշֆորդ, 75

«Սուոնսի» - «Մանչեսթեր Սիթի»՝ 1:2

Գիլֆի Սիգուրդսոն, 90+3 - Գաել Կլիշի, 49, Ալեյքս Գարսիա, 67

ՔՊՌ - «Սանդերլենդ»՝ 1:2

Սանդրո, 60 - Պատրիկ Մաքնեյր, 70, 80

«Սաութհեմփթոն» - «Քրիսթալ Փելաս»՝ 2:0

Չարլզ Օսթին, 33, 11մ, Ջեյք Հեսքեթ, 63

«Տոտենհեմ» - «Գիլինգհեմ»՝ 5:0 

Քրիստիան Էրիքսեն, 31, 48, Վինսենթ Յանսեն, 51, 11մ, Ջոշուա Օնոմա, 65, Էրիկ Լամելա, 68