Լեւոն Ջուլֆալակյան. Ոչ մի հաղթանակ չի լինում առանց աշխատանքի

18:14   19 սեպտեմբերի, 2016

Հունահռոմեական ըմբշամարտի Հայաստանի հավաքականի գլխավոր մարզիչ Լեւոն Ջուլֆալակյանը բարձր է գնահատել ժողովրդի եւ երկրի ղեկավարության գնահատականը թիմի հաջողություններին՝ օլիմպիական ոսկե եւ արծաթե մեդալներին, որոնք Ռիոյի Օլիմպիական խաղերում նվաճել են Արթուր Ալեքսանյանն ու Միհրան Հարությունյանը:

«Ցանկացած աշխատանք պետք է ստանա իր գնահատականը: Եթե քո աշխատանքը չի գնահատվում քո երկրի, կառավարության, երկրի նախագահի կողմից, ամեն ինչ կորցնում է իր ուժը: Բայց այս գնահատականների կողքին ամենակարեւորը ժողովրդինն է: Մենք միշտ տեսնում ենք, թե ինչ ուրախությամբ ու ինձ բարձր գնահատականով է մեզ ընդունում հասարակությունը, մեզ հետ հավասար ուրախանում են, շնորհավորում, լուսանկարվում: Այդ ամենը հասարակության գնահատականն է, ինչից մենք անչափ հպարտանում ենք:

Մարդ իր աշխատանքով պետք է երջանիկ լինի եւ ուրախ: Բայց երբ այդ ամենին գումարվում է երկրի ղեկավարության, նախագահի գնահատականը, ստացվում է, որ ամեն ինչ արվում է տեղին՝ քո երկրի, ժողովրդի համար:

Ես անչափ ուրախ եմ, որ իմ աշխատանքի 17 տարիների ընթացքում շատ մեդալներ, պարգեւներ եմ ստացել երկրի նախագահից, ինչից ավելի եմ ոգեւորվում, ձգտում մեծ հաջողությունների: Ոչ մի հաղթանակ չի լինում առանց աշխատանքի, իսկ այդ աշխատանքը պետք է գնահատվի»,- լրագրողների հետ զրույցում ասել է Լեւոն Ջուլֆալակյանը:

Գլխավոր մարզիչը Ռիոյի Օլիմպիական խաղերում թիմի հաջողությունների համար պարգեւատրվել է «Հայրենիքին մատուցած ծառայությունների համար» երկրորդ աստիճանի շքանշանով:

Լուսինե Շահբազյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։