Չեմպիոնների լիգա. «Տոտենհեմը» 82 տարվա ռեկորդ է գերազանցել Անգլիայում
21:11 15 սեպտեմբերի, 2016Լոնդոնի «Տոտենհեմը» «Մոնակոյի» դեմ Չեմպիոնների լիգայի խմբային մրցաշարի առաջին տուրի հանդիպմանը տնային խաղերի հաճախելիության ռեկորդ է սահմանել անգլիական ակումբների շրջանում, գրում է Daily Mail-ը:
Այդ խաղին ներկա է եղել 85 011 երկրպագու: Հանդիպումը տեղի է ունեցել ոչ թե «Տոտենհեմի» տնային ստադիոն «Ուայթ Հարթ Լեյնում», այլ՝ «Ուեմբլիում», որը կարող է հյուրընկալել 90 հազար երկրպագու:
Անգլիայում հաճախելիության նախորդ ռեկորդը սահմանվել էր 1934 թվականին, երբ «Մանչեսթեր Սիթիի» ու «Սթոք Սիթիի» միջեւ գավաթային խաղին ներկա էր եղել 84 467 երկրպագու:
Հիշեցնենք, որ «Մոնակոն» լոնդոնյան ակումբին հաղթել էր 2:1 հաշվով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։