Ֆուտբոլի Ռուսաստանի փոխչեմպիոն «Ռոստովի» նորանշանակ գլխավոր մարզիչ Իվան Դանիլյանցը Մյունխենում խոսել է Չեմպիոնների լիգայի խմբային մրցաշարի առաջին տուրում «Բավարիայի» հետ առաջիկա դիմակայության մասին:
«Կանենք հնարավոր ամեն ինչ, որպեսզի ցուցադրենք որակյալ խաղ եւ վաստակենք միավոր: «Բավարիան» թույլ կողմեր չունի: Անիմաստ է վերահսկել որեւէ խաղացողի: Կձգտենք խաղալ կոմպակտ եւ տարածություն չտալ մրցակցին:
Երեք տարի մենք ունեինք խնդիրներ: Բերդիեւի դրած խաղը օգնեց մեզ հասնել արդյունքի: Մեկ տարի առաջ ոչ ոք չէր կարող ենթադրել, որ մենք կհայտնվենք Մյունխենում՝ Չեմպիոնների լիգայի խաղի:
Այստեղ խաղալը հեշտ չէ: «Բավարան» կունենա ֆանատների մեծ աջակցություն: Տղաները պետք է կարողանան հաղթահարել այդ ծանրաբեռնվածությունն ու ապրումները»,- Իվան Դանիլյանցի խոսքը մեջբերում է rg-ն:
Սեպտեմբերի 13-ին կայանալիք «Բավարիա» - «Ռոստով» հանդիպումը կմեկնարկի Երեւանի ժամանակով 22:45-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։