Դե Բրույնե. Մենք ձգտում ենք գերիշխել Գվարդիոլայի ոճի հաշվին
14:33 12 սեպտեմբերի, 2016Անգլիական «Մանչեսթեր Սիթիի» բելգիացի կիսապաշտպան Կեւին Դե Բրույնեն հաճույք է ստանում թիմի կատալոնացի գլխավոր մարզիչ Խոսեպ Գվարդիոլայի առաջարկած նոր խաղաոճից: Այդ մասին ասել է 25-ամյա ֆուտբոլիստը՝ մեկնաբանելով թիմի տպավորիչ մեկնարկը Անգլիայի առաջնությունում:
«Մենք պետք է մի փոքր նահանջենք Պրեմյեր լիգայում գերիշխող ֆիզիկական ուժեղ պայքարից: Մենք փորձում ենք գերիշխել նոր խաղաոճի շնորհիվ: Գվարդիոլայի առաջարկած ոճը հաճույք է պատճառում, հատկապես, հարձակման խաղացողներին: Մեր թիմի որոշ խաղացողների համար սա նոր սկիզբ է:
Ֆուտբոլը բարդ խաղ է: Յուրաքանչյուրն ունի իր ոճը, եւ դու պետք է հարմարվես, բայց բոլորը մեծ ձգտումով են աշխատում: Ամեն ինչ լավ է ընթանում եւ պետք է ձգտել պահպանել այս դինամիկան»,- ասել է «Մանչեսթեր Սիթիի» առաջատար խաղացողներից մեկը:
Գվարդիոլայի թիմը Անգլիայի առաջնության առաջին չորս տուրերում միայն հաղթանակ է տարել եւ միայնակ գլխավորում է մրցաշարային աղյուսակը: 2 միավոր է հետ «Չելսին», 3 միավոր՝ «Մանչեսթեր Յունայթեդը»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.