Ռիո-2016. Գրետա Վարդանյանը 5-րդն է
10:07 11 սեպտեմբերի, 2016Ռիոյում ընթացող 15-րդ Պարալիմպիկ խաղերում Հայաստանի ներկայացուցիչ Գրետա Վարդանյանը մասնակցել է ծանրամարտի (պաուերլիֆթինգ, հրում պառկած դիրքից) 55 կգ քաշայինների պայքարին եւ գրավել է 5-րդ տեղը:
2008թ. Պեկինի եւ 2012թ. Լոնդոնի Պարալիմպիկ խաղերի մասնակիցը բարձրացրել է 96 կգ: Չեմպիոնի տիտղոսը նվաճել է մեքսիկացի Ամալյա Պերեսը, որը սահմանել է աշխարհի եւ Խաղերի ռեկորդ՝ 130 կգ:
Կանանց լողի մրցաշարի 50 մետր ազատ լողաոճում Մարգարիտա Հովակիմյանը չի հաղթահարել նախնական փուլի արգելքը:
Գրետա Վարդանյան. ծանրամարտ, 55 կգ քաշային կարգ
Ծնվել է 1986 թվականի փետրվարի 20-ին։
Մարզիչն է Սամսոն Խաչատրյանը։
Ամուսնացած է, ունի դուստր։
Ռիո-2016-ի Օլիմպիական ուղեգիր ստացել է սպիտակ քարտի շնորհիվ:
Պրոֆեսիոնալ ծանրամարտով զբաղվում է 2005 թվականից։
2007-ին Հունաստանի Կավալա քաղաքում կայացած միջազգային մրցաշարում գրավել է երկրորդ տեղը:
2008-ին մասնակցել է Պեկինի Պարալիմպիկ խաղերին:
2011-ին Արաբական Միացյալ Էմիրություններում, աշխարհի առաջնության վարկանիշային մրցաշարում մինչեւ 48 կգ քաշային կարգում 75 կգ արդյունքով նվաճել է արծաթե մեդալ:
2011-ին Արաբական Միացյալ Էմիրություններում կայացած միջազգային մրցաշարում գրավել է երրորդը տեղը:
2012 թ. մասնակցել է Լոնդոն-ի 14-րդ Պարալիմպիկ խաղերին:
Մարգարիտա Հովակիմյան. լող
Ծնվել է 1995 թվականի ապրիլի 15-ին։
Անձնական մարզիչն է Այծեմնիկ Մինասյանը։
Ամուսնացած չէ։
Ռիո-2016-ի ուղեգիրը ստացել է սպիտակ քարտի շնորհիվ:
Մարգարիտա Հովակիմյանը լողով մարզվում է 2005 թվականից: 2010 թվականին Ռուսաստանի Տյումեն քաղաքում տեղի ունեցած լողի սահմանափակ հնարավորություններով մարզիկների Ռուսաստանի առաջնությունում նվաճել է երկու արծաթե մեդալ՝ բրաս եւ ազատ լողաոճերում։ Այստեղ նա լրացրել է Ռուսաստանի լողի առաջին նորման: 2011 թվականին Ռուսաստանի Դերժինսկ քաղաքում անցկացված մրցաշարում տարբեր մրցաձեւերում նվաճել է 6 մեդալ՝ երեք արծաթ, երկու բրոնզ եւ մեկ ոսկի։ 2012 թվականին մասնակցել է Լոնդոնի 14-րդ պարալիմպիկ խաղերին:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.