Ֆուտբոլի Ռուսաստանի փոխչեմպիոն «Ռոստովի» գլխավոր մարզիչ է նշանակվել Իվան Դանիլյանցը, որը 2014 թվականից ակումբի մարզչական շտաբում էր:
Մարզչական կարիերայի ընթացքում 63-ամյա մասնագետը գլխավորել է Մոլդովայի հավաքականը, Տիրասպոլի «Շերիֆը», ղեկավարել է երիտասարդական ֆուտբոլի զարգացման ծրագիրը Կազանի «Ռուբինում», եղել է մարզական տնօրեն ավստրիական «Կերնտեն« եւ ԿԱՍ ակումբներում:
«Ռոստովի» գլխավոր մարզիչի պաշտոնակատար Դմիտրի Կիրիչենկոն չուներ PRO կարգի մարզչական արտոնագիր եւ Ռուսաստանի Պրեմյեր լիգայի կանոնադրությամբ՝ իրավունք չուներ մեկ ամսից ավելի զբաղեցնել պաշտոնը: Դանիլյանցն ունի համապատասխան արտոնագիր:
«Ռոստովին» Ռուսաստանի փոխչեմպիոնի կոչմանը հասցրած Կուրբան Բերդիեւը նշանակվել է ակումբի փոխնախագահ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։