Միջազգային պարալիմպիկ կոմիտեն (ՄՊԿ) զրկել է հավատարմագրումից Ռուսաստանի դրոշով Պարալիմպիկ խաղերի բացմանը դուրս եկած բելառուսին: Այդ մասին թվիթերյան էջում գրել է ՄՊԿ-ի մամուլի քարտուղար Քրեյգ Սփենսը: Դոպինգի համակարգված օգտագործման եւ քողարկման համար Ռուսաստանը զրկված է Ռիոյի Պարալիմպիկ խաղերին մասնակցելու իրավունքից:
Ռիոյի «Մարականա» ստադիոնում տեղի ունեցած բացման արարողության ժամանակ Բելառուսի պատվիրակության անդամներից մեկը հասցրել է Ռուսաստանի դրոշը ծածանել շրջանի մոտ 1/4-ը անցնելիս, մինչեւ անվտանգության աշխատակիցները նրանից խլել են այն:
Այդ քայլը համարվել է քաղաքական բողոք, ինչը օլիմպիական խարտիայով արգելված է Օլիմպիական խաղերի ժամանակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։