Չավի. Ռոնալդուի բախտը չի բերել
16:09 7 սեպտեմբերի, 2016Իսպանիայի հավաքականի եւ «Բարսելոնայի» նախկին կիսապաշտպան Չավին անդրադարձել է Լիոնել Մեսիի ու Կրիշտիանու Ռոնալդուի համեմատությանը:
«Մտքի ու ֆիզիկական արագության առումով ոչ ոք չի կարող համեմատվել Մեսիի հետ: Նա, միանշանակ, լավագույնն է աշխարհում:
Միայն հիմարը Կրիշտիանու Ռոնալդուին չի համարի բարձրակարգ խաղացող, սակայն նրա բախտը չի բերել Մեսիի ժամանակաշրջանում ծնվելու հարցում: Նրանց համեմատում են միայն նրանք, ովքեր կապ ունեն Մադրիդի հետ:
Լեոն դեռ 29 տարեկան է, եւ շատ երիտասարդ է ֆուտբոլային առումով: Ես մինչեւ 28 տարեկան տիտղոս չէի նվաճել Իսպանիայի հավաքականի եւ «Բարսելոնայի» հետ: Իսկ Մեսին մինչեւ օրս արդյունք է ցուցադրում ամեն 5 խաղից չորսում»,- քաթարյան «Ալ Սադի» կիսապաշտպան Չավիի խոսքը մեջբերում է Football Espana-ն:
Հիշեցնենք, որ վերջին 6 տարիներին «Ոսկե գնդակին» արժանացել են միայն Մեսին ու Ռոնալդուն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.