The Sun. «Մանչեսթեր Յունայթեդի» ֆուտբոլիստներին արգելել են խաղերից հետո փոխանակել մարզաշապիկները
10:11 7 սեպտեմբերի, 2016Անգլիական «Մանչեսթեր Յունայթեդի» ղեկավարությունը թիմի ֆուտբոլիստներին արգելել է խաղերից հետո մրցակիցների հետ փոխանակել մարզաշապիկները: The Sun-ի համաձայն՝ նման որոշում է կայացվել խնայողության նկատառումներով:
«Ղեկավարությունը ֆուտբոլիստներին խնդրել է չփոխանակել մարզաշապիկները՝ խնայողության նկատառումներով: Ծիծաղելի է՝ հաշվի առնելով, թե մանչեսթերցիներն ինչ եկամուտ ունեն»,- The Sun-ին ասել է «Մանչեսթեր Յունայթեդին» մոտ աղբյուրը:
Հիշեցնենք, որ այս ամռանը «Մանչեսթեր Յունայթեդն» իրականացրել էր ֆուտբոլի պատմության ամենաթանկ տրանսֆերը՝ 105 միլիոն եվրոյով ձեռք բերելով Թուրինի «Յուվենտուսի» ֆրանսիացի կիսապաշտպան Պոլ Պոգբային: Հայաստանի ազգային հավաքականի ավագ Հենրիխ Մխիթարյանի համար Անգլիայի 20-ակի չեմպիոնը 42 միլիոն եվրո էր վճարել Դորտմունդի «Բորուսիային»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.